Gode, gamle Meteorologisk institutt held pinleg nøyaktig statistikk over noko som nordmenn bryr seg mykje om – nemleg været.
I følge yr.no skal det småregne i minst to veker til, med temperaturar som varierer mellom 5 og 8 grader.
Frå målestasjonen på Tefre i Førde får vi vite at det har kome 3224mm nedbør sidan same tid i fjor. Det langt i fra “moot normalt”, faktisk er det godt over ein meter meir enn normalen. Dessutan er det berre såvidt under “verstingen” Brekke i Sogn som held Noregsrekorden for våtaste stad.Mest nedbør var 22.mars i fjor, då kom det 80mm drikkevatn deisande ned. Ikkje spesielt varmt var det heller – den gennomsnittelege temperaturen sidan same tid i fjor er 7.8 grader celsius.

Ordet paraply kjem av det franske parapluie, som igjen kjem av italiensk parare «verne mot», og fransk pluie «regn».
Dagens samanleggbare utgåve vart patentert av Bradford E Phillips i 1928, men liknande variantar hadde eksistert i hundrevis av år før den tid , og kinesarane hadde truleg funne opp .
Blant fremadstormande oppfinnarar er paraplyen eit ynda mål for forbedringar. Paraplyrelaterte patentsøknadar er så vanlege at berre det amerikanske patentkontoret har registrert tre tusen aktive søknadar. Ikkje alle er like ubrukelege. I nederland har dei funne opp ein paraply som kan motstå vindstyrkar på opp mot 100 km/t. Den fekk fleire designprisar, men korvidt den er brukande i Solund eller Florø vert det ikkje sagt noko om.
I dag vert dei fleste paraplyar overraskande nok laga i kina, og berre i byen Shangyu skal det finnast meir enn tusen (!) paraplyfabrikkar.
Den franske presidenten Nicolas Sarkozy har fått laga ein skotsikker paraply, laga av kevlar og til eit femsifra eurobeløp. Det kan være nyttig, for paraplyar kan og vere skadelege: I 1978 dør ein russisk avhoppar på mystisk vis i London. Scotland Yard kom fram til at mannen vart forgifta, og at det truleg var KGB som stod bak. Vapenet var ein paraply med gift-tupp!